شه‌ممه‌ , 14 كانونی یه‌كه‌م 2019
دەستپێك / روژهەلاتا ناڤین / لاشێ‌ سه‌دامى هاتیه‌ ڤه‌گوهاستن ژ گورستانێ‌ یان هاتیه‌ ژناڤبرن.!؟

لاشێ‌ سه‌دامى هاتیه‌ ڤه‌گوهاستن ژ گورستانێ‌ یان هاتیه‌ ژناڤبرن.!؟

سه‌دام حسێن, سه‌رۆكێ‌ به‌رێ‌ یێ‌ كومارا عیراقێ‌ و سه‌رۆكێ‌ حزبا به‌عس یا عیراقى لـ 28ى ئه‌پرێلا 1938ێ‌, لـ نزیك باژارێ‌ تكریت ژ دایك بوویه‌ و پشتى سێداره‌دانێ‌ لـ 30ى دیسێمبه‌را 2006ێ, لـ هه‌مان گوندێ‌ ژ دایك بووى ته‌رمێ‌ وى لێ‌ هاته‌ ڤه‌شارتن به‌لێ‌ دنهادا گورێ‌ وى كه‌س تێدا نینه‌ و كه‌س نزانیت د نهادا ته‌رمێ‌ وى لكیڤه‌یه‌.

به‌ریا نها ده‌نگویه‌ك هاتبو به‌ڵاڤ كرن كو پشتى باژارێ‌ تكریت هاتیه‌ كونترولكرن ژباڵ چه‌كدارێن داعشڤه‌ , گورێ‌ سه‌دام حسێنى دگه‌ل هه‌ردوو كورێن وى ژباڵ داعش ڤه‌ هاتیه‌ ته‌قاندن.

ژ لایه‌كێ‌ دنڤه‌ چه‌ند ژێده‌رێن هه‌واڵى یێن عیراقى به‌ڵاڤ كریه‌ كو كه‌سوكارێن سه‌دام حسێنى لـ به‌رییا هاتنا داعش ته‌رمێ‌ سه‌دام حسێنى و هه‌ردوو كورێن وى ڤه‌گوهاستیه‌ جهه‌كێ‌ نه‌دیار و بتنێ‌ چه‌ند كه‌سه‌كێن سه‌ر ب عه‌شیره‌تا “ئه‌لبیجات” ئاگه‌دارى بابه‌تى نه‌.

داعش لـ ساڵا 2014ێ, باژارێ‌ تكریت و ناڤه‌ندا باژارێ‌ سه‌لاحه‌دین و گوندێن ده‌وروبه‌ر كونترولكرن هه‌یا مارسا ساڵا 2015ێ, ژباڵ هێزێن پێشمه‌رگه‌ و هێزێن عیراقێ‌ جاره‌ك دن ده‌ڤه‌ر لژێر كونترولا داعش رزگار كر.