هه‌ینی , 13 كانونی یه‌كه‌م 2019
دەستپێك / كوردستان / گۆران..ئه‌گه‌ر پارتى به‌رسڤا مه‌ نه‌ده‌ت دێ‌ خوڤه‌كێشین ژكابینا حكومه‌تێ‌

گۆران..ئه‌گه‌ر پارتى به‌رسڤا مه‌ نه‌ده‌ت دێ‌ خوڤه‌كێشین ژكابینا حكومه‌تێ‌

په‌یوه‌ندیێن بزاڤا گۆران و پارتى دیموكراتى كوردستان تێكچووینه‌ و ئه‌گه‌رێ‌ سه‌ره‌كى یێ‌ تێكچوونا په‌یوه‌ندیان پرسا پۆستێ‌ هاریكارێ‌ سه‌رۆكێ‌ حكومه‌تێ‌ بۆ چاكسازیێ‌ یه‌ كو پشكا گۆرانه‌ به‌لێ‌ هه‌یا نها وه‌رنه‌گرتیه‌.

به‌رپرسه‌كێ‌ بلندێ‌ بزاڤا گۆران بـ رۆژناما “ئاژانس” راگه‌هاندیه‌, به‌رییا بزاڤا گۆران پۆستێ‌ هاریكارێ‌ سه‌رۆكێ‌ حكومه‌تێ‌ بۆ كاروبارێن چاكسازیێ‌ دناڤا خودا ئێكلایی بكه‌ت , مه‌سرور بارزانى سه‌رۆكێ‌ حكومه‌تێ‌ ده‌سهه‌ڵاتێن هاریكارێ‌ سه‌رۆكێ‌ حكومه‌تێ‌ بۆ كاروبارێن چاكسازیێ‌ كێم كرن.

هه‌روه‌سا وى به‌رپرسى دیاركریه‌ كو د نهادا نیگه‌رانیه‌كا مه‌زن دناڤا رێزێن بزاڤا گۆران دا به‌رامبه‌ر پارتى دروست بوویه‌ ب تایبه‌تى پشتى كێمكرنا ده‌سهه‌ڵاتێن وه‌زیرێ‌ دارایی.

هه‌روه‌سا ئه‌و یه‌كژى ئاشكه‌را كریه‌ كو “عومه‌رێ‌ سه‌ید عه‌لى” رێكخه‌رێ‌ گشتى یێ‌ بزاڤا گۆران و “جه‌لال جه‌وهه‌ر” ئه‌ندامێ‌ خانه‌یا راپه‌راندنێ‌ ته‌ڤایا نیگه‌رانیێن خو به‌رامبه‌ر پارتى گه‌هاندینه‌ سه‌ركردایه‌تیا پارتى و دنهادا چاڤه‌رێى به‌رسڤا پارتى نه‌.

به‌رپرسێ‌ بلندێ‌ بزاڤێ‌ ئه‌و یه‌كژى نه‌ڤه‌شارت كو بزاڤا گۆران لسه‌ر ئاستێ‌ سه‌ركردایه‌تیێ‌ پرۆژێ‌ خوڤه‌كێشانێ‌ ژ حكومه‌تێ‌ ئینایه‌ د مه‌یدانێ‌ دا بـ تایبه‌تى ئه‌گه‌ر هات و پارتى به‌رسڤا بزاڤا گۆران نه‌دا یان پێداچون د بریارێن سه‌رۆكێ‌ حكومه‌تێ‌ دا نه‌هێته‌ كرن دهێته‌ پێشبینیكرن په‌یوه‌ندیێن بزاڤێ‌ دگه‌ل پارتى بگه‌هنه‌ وێ‌ یه‌كێ‌ كو بریارا خوڤه‌كێشانێ‌ ژ حكومه‌تا هه‌رێما كوردستانێ‌ بده‌ت.