هه‌ینی , 13 كانونی یه‌كه‌م 2019
دەستپێك / كوردستان / توركمانه‌كێ‌ تله‌عفه‌ر دێ‌ جهێ‌ ئه‌بوبه‌كر به‌غدادى گریت

توركمانه‌كێ‌ تله‌عفه‌ر دێ‌ جهێ‌ ئه‌بوبه‌كر به‌غدادى گریت

د ئوپه‌راسیونه‌كا سه‌ربازى و هه‌واڵگرى یا ئه‌مریكى دا بـ هاریكاریا هه‌سه‌دێ‌ لـ ده‌ڤه‌را “باریشا” سه‌ر ب پارێزگه‌ها ئدلبێ‌ , كوشتنا ئه‌بوبه‌كر به‌غدادى خه‌لیفێ‌ ده‌وله‌تا ئیسلامى لـ عیراق و شامێ‌ هات راگه‌هاندن.

د نهادا چه‌ندین به‌رپرسێن داعش هه‌نه‌ كو جهێ‌ به‌غدادى وه‌رگرن به‌لێ‌ مه‌زنترین شانسێ‌ وه‌رگرتنێ‌ بۆ توركمانێن عیراقێ‌ دكه‌ڤیت بـ وێ‌ یه‌كێ‌ كو باشترین سه‌ركردێن داعش كو نها دژیانێ‌ دا بن توركمانن كو هه‌رئێك ژ “عبدالله قەرداش و ئەبو موسلم توركمانی و ئەیاد عبیدی و عیاد جومەیلی” بخوڤه‌ دگریت و دناڤا ڤان كه‌سان دا “عبدالله قەرداش”ى , مه‌زنترین شانسێ‌ وه‌رگرتنا پوستێ‌ خه‌لیفێ‌ داعش هه‌یه‌ و ژلایه‌كێ‌ دنڤه‌ پشتى برینداربوونا به‌غدادى ئه‌وى سه‌رپه‌رشتیا ته‌ڤایا كارێن رێكخراوێ‌ دكر لـ هه‌رئێك ژ وه‌ڵاتێن “عیراق و سوریا و لیبیا و یه‌مه‌ن”

عبدالله قەرداش كیه‌؟

عبدالله قەرداش هاوڵاتیه‌كێ‌ توركمانێ‌ عیراقیه‌ لـ ساڵا 1976 لـ (تله‌عفه‌ر) ژدایك بوویه‌ و ده‌رچویێ‌ كولیژا زانستێن ئیسلامى (باب الأعظم)ه‌ , لـ ساڵا 2003ێ‌ , پشتى پرۆسا رزگاركرنا عیراقێ‌ چویه‌ ناڤا رێزێن رێكخراوێن جیهادى و لـ ساڵا 2004ێ, دهێته‌ ده‌سته‌سه‌ر كرن دگه‌ل ئه‌بوبه‌كر به‌غدادى و هه‌یا ساڵا 2009ێ, دناڤا زیندانا “بوكا” پێكڤه‌ ب زیندانى دمینن و پشتى دهێنه‌ ئازادكرن ئێكسه‌ر ده‌ست بـ دروستكرنا رێكخراوێن جیهادى دكه‌ن هه‌یا گه‌هشتینه‌ دامه‌زراندنا رێكخراوا داعش.

دناڤا داعش دا عبدالله قەرداشى چه‌ندین پوستێن ئێك لـ دوویڤ ئێك وه‌رگرتینه‌ , ژ وانا : سه‌رۆكێ‌ دیوانا خه‌لیفه‌ و دادوه‌ریا شه‌رعى یا گشتى و وه‌زیرێ‌ ته‌قین و خو كوژا و به‌رپسێ‌ دیوانا دارایی و دوماهى پۆست به‌رپرسێ‌ رێكخستنا داعش بوویه‌.