هه‌ینی , 13 كانونی یه‌كه‌م 2019
دەستپێك / كوردستان / ئارام قادر ئه‌گه‌رێ‌ ژناڤ چوونا هه‌ڤپه‌یمانیێ‌ یه‌

ئارام قادر ئه‌گه‌رێ‌ ژناڤ چوونا هه‌ڤپه‌یمانیێ‌ یه‌

رۆژ بـ رۆژ ئه‌ندام و لایه‌نگر و كار بده‌ستێن هه‌ڤپه‌یمانیا نیشتیمانى كوردستان ده‌ست ژ كاردكێشن , به‌شه‌ك ژ ئه‌گه‌رێ‌ بێ‌ پلانیێ‌ و به‌شه‌ك ژ ئه‌گه‌رێ‌ تاكره‌وی و بێ‌ منه‌تیا ئارام قادرى د بریارێن سیاسى دا و پرس و راوێژ نه‌كرن بـ كه‌سانێن سه‌ركردایه‌تیا هه‌ڤپه‌یمانیا نیشتیمانى دكه‌ن.

ئه‌نجومه‌نێ‌ نوینه‌رێن هه‌ڤپه‌یمانیا نیشتیمانى لـ دوویڤ په‌یره‌وێ‌ وێ‌ یێ‌ ناڤخویی پێتڤى یه‌ (50) ئه‌ندام بن , به‌لێ‌ پشتى ساڵه‌كێ‌ د نهادا ئه‌نجومه‌ن پێك دێت ژ (39) ئه‌نداما (11) ئه‌نداما ده‌ست ژكاركێشایه‌ و جهێ‌ وان بـ ڤاڵایی مایه‌.

هه‌روه‌سا لـ دوویڤ په‌یره‌وێ‌ ناڤخویی یێ‌ هه‌ڤپه‌یمانیا نیشتیمانى دوو ئه‌نجومه‌نێن راوێژكارى هه‌نه‌ كو پێكدهێن ژ (21) ئه‌نداما , به‌لێ‌ هه‌یا نها ئارام قادر سه‌رۆكێ‌ هه‌ڤپه‌یمانیێ‌ نه‌شیایه‌ ڤان دوو ئه‌نجومه‌نا دابمه‌زرینیت , هوكارێن نه‌دامه‌زراندێژى ڤه‌دگه‌رن بۆ ئاریشێن ناڤخویی یێن حزبێ‌ و بریارێت ته‌كلایه‌نانه‌ یێن ئارام قادرى.

شوخان ره‌زا, ئه‌نداما ده‌ست ژكاركێشایا ئه‌نجومه‌نێ‌ سیاسى یێ‌ هه‌ڤپه‌یمانیا نیشتیمانى راگه‌هاند , سیسته‌مێ‌ برێڤه‌برنا حزبێ‌ سیسته‌مه‌كێ‌ هه‌ڤبه‌ش نینه‌ دبریاران دا و ئه‌نجومه‌نێ‌ سیاسى یێ‌ هه‌ڤپه‌یمانیێ‌ ئاگه‌دارى چ بریار و په‌یوه‌ندیێن حزبێ‌ نینه‌.

هه‌روه‌سا شوخانێ‌ راگه‌هاندیه‌ , دناڤا حزبێ‌ دا جودا ژ ئارام قادرى و چه‌ند كه‌سێن نزیك وى كه‌س نزانیت ژێده‌رێ‌ دارایی یێ‌ هه‌ڤپه‌یمانیێ‌ لـ كیڤه‌یه‌.

هه‌ڤپەیمانیا نیشتیمانی ل مه‌ها 11 یا ساڵا بوورى بـ به‌شداریا 350 ئه‌نداما كونگرێ‌ خو گرێدا و (ئارام قادر) بـ 244 ده‌نگێن ئه‌نداما وه‌ك سه‌رۆكێ‌ هه‌ڤپه‌یمانیێ‌ هاته‌ هه‌لبژاردن.

ئه‌ڤه‌ د ده‌مه‌كى دایه‌ دناڤا هه‌ڤپه‌یمانیێ‌ دا ئارام قادر دهێته‌ تومه‌تبار كرن كو پارا ژ سه‌ركردایه‌تیا پارتى وه‌ردگریت بۆ برێڤه‌برنا هه‌ڤپه‌یمانیێ‌ و لـ به‌رامبه‌ردا سیاسه‌ته‌كا نه‌رم و بـ نهێنى هاریكاره‌ دگه‌ل ته‌ڤایا بریارێن سیاسى یێن پارتى دیموكراتى كوردستان.