شه‌ممه‌ , 14 كانونی یه‌كه‌م 2019
دەستپێك / كوردستان / په‌یه‌دێ‌ به‌رسڤا نێچیرڤان بارزانى دا

په‌یه‌دێ‌ به‌رسڤا نێچیرڤان بارزانى دا

نوینه‌رێ‌ په‌یه‌دێ‌ لـ هه‌رێما كوردستانێ‌ به‌رسڤا نێچیرڤان بارزانى دده‌ت و دبێژیت “خو قازى محه‌مه‌د و مسته‌فا بارزانى په‌كه‌كه‌ نه‌بون , به‌لێ‌ توركیا دژى وان بوو”.

سلێمان عه‌ره‌ب , نوینه‌رێ‌ په‌یه‌دێ‌ لـ هه‌رێما كوردستانێ‌ راگه‌هاند , په‌یه‌ده‌ لـ رۆژئاڤا خودان ئیراده‌یه‌ و هه‌رڤێ‌ وه‌كریه‌ كیانه‌كێ‌ سه‌ربه‌خو لـ رۆژئاڤا هه‌بیت و ژنه‌كا وه‌كو “ئیلهام ئه‌حمه‌د”ێ‌ , بچیته‌ ناڤا كونگرێسێ‌ ئه‌مریكا گوتارێ‌ پێشكه‌ش بكه‌ت و كه‌سه‌كێ‌ وه‌كو “مه‌زڵوم كوبانى” وه‌ك ژه‌نه‌راله‌كێ‌ كورد بهێته‌ نیاسین لـ ته‌ڤایا جیهانێ‌.

هه‌روه‌سا نوینه‌رێ‌ په‌یه‌دێ‌ سوپاسیا خه‌لكێ‌ هه‌رێما كوردستانێ‌ كر لسه‌ر پشته‌ڤانى و هاریكاریا رۆژئاڤا.

د به‌شه‌كێ‌ دن دا سه‌باره‌ت گوتنێن نێچیرڤان بارزانى كو به‌ریا چه‌ند رۆژان لـ دیدارا میرى لـ هه‌ولێرێ‌ راگه‌هاندبوو كو ئاریشا توركیا نه‌ كوردن به‌لكو ئاریشا توركیا په‌كه‌كه‌یه‌ , سلێمانى عه‌ره‌بى راگه‌هاند : نابیت لـ باشورێ‌ كوردستانێ‌ ئه‌ڤ گوتنه‌ بهێنه‌ گوتن و گه‌نگه‌شه‌ كرن چونكى توركیا دوژمنێ‌ هه‌ر كورده‌كى یه‌ لـ جهه‌كى و ئامانجا توركیا نه‌هێلانا كوردانه‌ نه‌ك په‌كه‌كێ‌.

هه‌روه‌سا گوت ” په‌كه‌كه‌ پارته‌كا سیاسى یه‌ لـ رۆژئاڤایێ‌ كوردستانێژى وه‌كو پارته‌كا سیاسى رێكخستنا خو هه‌یه‌ و د رۆژئاڤا دا نه‌بتنێ‌ په‌یه‌ده‌ ده‌سهه‌ڵاتێ‌ برێڤه‌ دبه‌ت به‌لكو 22 لایه‌نێن سیساسى یێن جیاواز هه‌نه‌ و ده‌رباره‌ى گوتنێن سه‌رۆكێ‌ هه‌رێما كوردستانێ‌ خو قازى محه‌مه‌د و مه‌لا مسته‌فا بارزانى په‌كه‌كه‌ نه‌بوون به‌لێ‌ توركیا به‌رده‌وام بوو لسه‌ر دژایه‌تیكرنا وانا.