دوو شه‌ممه‌ , 17 شوبات 2020
دەستپێك / كوردستان / مه‌سعود بارزانیژى نه‌شێت شێرزاد سه‌رسپى لاده‌ت

مه‌سعود بارزانیژى نه‌شێت شێرزاد سه‌رسپى لاده‌ت

پارتى دیموكراتى كوردستان بـ ژڤانه‌ دئه‌ڤ ساڵ دا كونگره‌یێ‌ 14ێ‌ ئه‌نجام ده‌ت بـ ته‌وافق و چه‌ندین پله‌ به‌رزا ڤه‌گوهاستنا جها پێبكه‌ت و به‌شه‌كى لابده‌ت , به‌لێ‌ مه‌سعود بارزانیژى نه‌شێت شێرزاد سه‌رسپى لاده‌ت.

تایبه‌ت_بادینان پرێس

پارتى دیموكراتى كوردستان دهێته‌ نیاسین ئێك ژ زه‌نگینترین لایه‌نێ‌ سیاسى لـ ده‌ڤه‌رێ‌ و ته‌ڤایا داهاتێ‌ حزبێ‌ و چه‌وانیا خه‌رجكرنا مووچێن ته‌ڤایا كادرێن پارتى و نه‌سریێن مه‌كته‌ب و لق و ناوچه‌یا دده‌ست كه‌سه‌كى دانه‌ بناڤێ‌ “شێرزاد سه‌رسپى” كو دناڤا پارتى دا دهێته‌ نیاسین بـ “شێرزادێ‌ دارایی”.

ئه‌ڤ كه‌سه‌ پشتى سه‌رهلدانێ‌ هه‌یا نها دپوستێ‌ خودا مایه‌ , جودا ژ كه‌سایه‌تیا وى كه‌س دناڤا پارتى دا نزانیت حزبێ‌ چه‌ند پرۆژه‌ هه‌نه‌ و داهاتێ‌ حزبێ‌ چه‌نده‌ و چه‌وا دهێته‌ مه‌زاختن , بـ ره‌نگه‌كى دهێته‌ گوتن شێرزاد سه‌رسپى دناڤا پارتى دا وه‌كو ئاشتى هه‌ورامى یه‌ بـ ره‌نگه‌كى كه‌س ژبلى ئاگه‌هدارى رێكه‌فتن و داهاتێن حزبێ‌ نینه‌.

شێرزادێ‌ دارایی د نهادا به‌رپرسێ‌ داراییا مه‌كته‌با سیاسى یا پارتى دیموكراتى كوردستانه‌ , ته‌ڤایا ئه‌ندامێن مه‌كته‌با سیاسى لێ‌ دنزیكن بـ ئه‌گه‌رێ‌ وێ‌ یه‌كێ‌ ناڤهاتى پاره‌كێ‌ ئێكجار زوور دده‌ست دایه‌ , وشیایه‌ بـ ڤى پاره‌ی جهێ‌ خو موكم بكه‌ت بـ ره‌نگه‌كى لـ دوویڤ حه‌زێن هه‌رئێك ژ مه‌سعود بارزانى و نێچیرڤان بارزانى و مه‌سرور بارزانى كاردكه‌ت و شیایه‌ به‌لانسێ‌ پێدانا پاره‌ی بهه‌رسێیا راگریت و دهه‌مان ده‌م دا بـ پێدانا پاره‌ى شیایه‌ به‌شه‌كێ‌ مه‌زنێ‌ ئه‌ندام مه‌كته‌ب سیاسیێن پارتى بخو بكریت مینا ” ئازاد بەرواری و مه‌حمودە سور و زەعیم عەلی و کاکەمین نەجار و رەمزی شەعبان”

چه‌ندین جارا به‌رپرسێن لقێن پارتى نه‌رازیبونا خو دیاركریه‌ لسه‌ر كێمیا مووچێ‌ كادرێن خو و نه‌سریێن لقا , به‌لێ‌ هیچ جاره‌كێ‌ شێرزاد سه‌رسپى نه‌كه‌فتیه‌ به‌ر لێپرسینا چ كه‌سا دناڤا پارتى دا , هه‌روه‌سا ده‌هان راپورت لسه‌ر گه‌نده‌لیێن وى گه‌هشتینه‌ ده‌ست پاراستنێ‌ به‌لێ‌ بێ‌ ئه‌نجام بووینه‌ , دیسان بابه‌تێ‌ بێ‌ ره‌وشتیێن وى چه‌ندین جارا سه‌رهلدایه‌ بـ تایبه‌ت پشتى لسه‌ر كریارێن بێ‌ ره‌وشتیێ‌ خێزانا وى خوژێ‌ دایه‌ به‌ردان و كورێ‌ وى بناڤێ‌ “رێباز شێرزاد” خو ژێ‌ دوورخستى , به‌لێ‌ ئه‌ڤ بابه‌ته‌ژى نه‌بو ئه‌گه‌ر لێپرسین دگه‌ل بهێته‌ كرن.