دوو شه‌ممه‌ , 17 شوبات 2020
دەستپێك / جیهان / ئەبو مەهدی موهەندسى چه‌وا به‌لقیسا خێزانا نزار قه‌بانى كوشت؟

ئەبو مەهدی موهەندسى چه‌وا به‌لقیسا خێزانا نزار قه‌بانى كوشت؟

بەلقیس ئبراهیم راوی , خودانا جوانیه‌كا بێ‌ وێنه‌ لـ ناڤه‌راستا سه‌ده‌ییا بوورى لـ ئاهه‌نگه‌كێ‌ لـ به‌غدادا پایته‌ختێ‌ عیراقێ‌ ئاماده‌ دبیت و دناڤا ئاهه‌نگێ‌ دا “نزار قه‌بانى” هوزانه‌كێ‌ دبێژیت و لڤێره‌ ئێك دبینن و چیروكا ئه‌ڤینیا وان ده‌سپێدكه‌ت به‌لێ‌ كه‌سوكارێن به‌لقیسێ‌ دبنه‌ رێگر ناهێلن به‌لقیس ژیانا هه‌ڤژینیێ‌ دگه‌ل نزار قه‌بانى پێكبینیت.

ئه‌ڤ یه‌كه‌ نه‌بو ئه‌گه‌ر نزار قه‌بانى لێ‌ دوویركه‌ڤیت به‌لكو بۆ ئه‌گه‌ر زێده‌تر لێ‌ عاشق ببیت و پشتى نزیك ساڵه‌كێ‌ دووباره‌ ڤه‌دگه‌ریته‌ عیراقێ‌ ژبۆ به‌شداریكرن دڤیسته‌ڤالا (میربه‌د) لـ به‌غدا , دناڤا ڤیسته‌ڤالێ‌ دا نزار قه‌بانى ڤێ‌ شعرێ‌ بۆ به‌لقیسێ‌ دخوینیت:

مرحباَ یاعراق، جئت أغنیك
وبعظ من الغنا‌و بكا‌و
أكل الحزن من حشاشە قلبی
والبقایا تقاسمتها النسا‌و

بەلقیس ئبراهیم راوی کچە دیبلۆماتکاره‌كا عیراقى بوو , لـ 24-3-1939ێ‌, لـ ئەعزەمیا بەغدا ژدایك بویه‌ , پشتى جارا دووێ‌ نزار قه‌بانى هاتیه‌ عیراقێ‌ چه‌ند به‌رپرسێن عیراقێ‌ هه‌ڤخه‌میا خو بۆ نزار قه‌بانى ده‌ردبرن و هاریكاریا نزار قه‌بانى دكه‌ن هه‌یا بابه‌ت دگه‌هیته‌ سه‌رۆكێ‌ عیراقێ‌ یێ‌ وى ده‌مى (ئه‌حمه‌د حه‌سه‌ن به‌كر).

سه‌رۆكێ‌ عیراقێ‌ هه‌رئێك ژ وه‌زیرێ‌ لاوان (شه‌فیق كه‌مالى) و بریكارێ‌ وه‌زیرێ‌ ده‌رڤه‌یێ‌ عیراقێ‌ (شازل تاقه‌) رادسپێریت بۆ رازیكرنا ماڵا به‌لقیسێ‌ و دئه‌نجام دا به‌لقیس دگه‌هیته‌ هیڤیا خو ژیانا هه‌ڤژینیێ‌ دگه‌ل نزار قه‌بانى پێكدئینیت لـ ساڵا 1969ێ‌ , پشتى نزار قه‌بانى ژنكا خو یا ئێكێ‌ ته‌لاق دایی.

به‌لقیس راوى و نزار قه‌بانى پێكڤه‌ لـ وه‌لاتێ‌ لبنان دژین و دبنه‌ خودان كور و كچه‌ك بناڤێ‌(زەینەب قەبانی و عومەر قەبانیی) , نزار قه‌بانى به‌رده‌وامیێ‌ دده‌ته‌ هونه‌رێ‌ خو و به‌لقیس راوى وه‌ك دبلوماتكاره‌كا عیراقى لـ بالیوزخانا عیراقێ‌ لـ به‌یروتێ‌ كار دكه‌ت , لـ رێكه‌فتى 15-12-1981ێ, دئه‌نجامێ‌ ته‌قینه‌كێ‌ دا لـ به‌رده‌م بالیوزخانا عیراقێ‌ لـ لبنان 61 كه‌س دهێنه‌ كوشتن و 115 كه‌س بریندار دبن , پشتى ڤێ‌ ته‌قینێ‌ ئێكسه‌ر حزبا ده‌عوه‌ یا ئیسلامى دانپێدان بڤى كارى كر و لـ وى ده‌مى كه‌سه‌ك بناڤێ‌ (جه‌مال جه‌عفه‌ر) به‌رنیاس بـ ئه‌بو مه‌هدى موهه‌ندس سه‌رپه‌رشتیا حزبا ده‌عوه‌ لـ لبنان دكر و دانپێدان بڤێ‌ ته‌قینێ‌ كر.

پشتى نه‌مانا به‌لقیسێ‌ نزار قه‌بانى شعره‌كێ‌ بۆ دنڤیسیت و لسه‌ر گورێ‌ وێ‌ ددانیت كو ئه‌ڤه‌ به‌شه‌كه‌ ژ شعرا وى:

شُكْرَاً ڵكُمْ
شُكْرَاً ڵكُمْ
فحبیبتی قُتِڵتْ وصارَ بوسْعِكُم
أن تشربوا كأساً علی قبڕ الشهیدە
وقصیدتی اغتیلت ..
وهَلْ من أُمَّەٍ فی اڵارظ ..
– إڵاّ نحنُ – تغتالُ القصیدە ؟
بلقیسُ …