دوو شه‌ممه‌ , 17 شوبات 2020
دەستپێك / كوردستان / كوسره‌ت ره‌سول عه‌لى په‌یره‌وێ‌ نافخویێ‌ ئێكه‌تیێ‌ پێشێلكر

كوسره‌ت ره‌سول عه‌لى په‌یره‌وێ‌ نافخویێ‌ ئێكه‌تیێ‌ پێشێلكر

شه‌ڤا بوورى كوسره‌ت ره‌سول عه‌لى , سه‌رۆكێ‌ ئه‌نجومه‌نێ‌ بلندێ‌ ئێكه‌تیا نیشتمانى كوردستان دوویر ژ په‌یره‌وێ‌ نافخویێ‌ ئێكه‌تیێ‌ (جه‌عفه‌ر شێخ مسته‌فا) كره‌ سه‌رپه‌رشتێ‌ یه‌كه‌یا 70ێ‌ یا هێزێن پێشمه‌رگه‌ى.

دره‌نگیا شه‌ڤا بوورى كوسره‌ت ره‌سول عه‌لى بێ‌ ڤه‌گه‌ریان بۆ ئه‌نجومه‌نێ‌ سه‌ركردایه‌تیا ئێكه‌تیێ‌ و دوویر ژ ماده‌یێن په‌یره‌وێ‌ نافخو یێ‌ ئێكه‌تیێ‌ , جه‌عفه‌ر شێخ مسته‌فا جێگرێ‌ سه‌رۆكێ‌ هه‌رێمێ‌ وه‌ك سه‌رپه‌رشتێ‌ یه‌كه‌یا 70ێ‌ ده‌ستنیشانكر.

ئه‌ندامه‌كێ‌ ئه‌نجومه‌نێ‌ سه‌ركردایه‌تیا ئێكه‌تیێ‌ تایبه‌ت بـ “بادینان پرێس” راگه‌هاند, ده‌ستنیشانكرن و لادانا پلێن بلند دناڤا ئێكه‌تیێ‌ دا كارێ‌ ئه‌نجومه‌نێ‌ سه‌ركردایه‌تیێ‌ یه‌ و ژبۆ راوێژێ‌ لسه‌ر بریارێ‌ بـ نڤیساره‌كا فه‌رمى بۆ ئه‌نجومه‌نێ‌ بلندێ‌ ئێكه‌تیێ‌ دێ‌ هێته‌ هنارتن و لـ داویێ‌ سه‌رۆك یان هه‌ڤسه‌روكێ‌ ئێكه‌تیێ‌ دێ‌ بریارێ‌ لسه‌ر ده‌ت.

هه‌روه‌سا دیاركر , د نهادا كار بۆ په‌سه‌ندكرنا ماده‌یێن په‌یره‌وێ‌ نافخویێ‌ ئێكه‌تیێ‌ دهێته‌ كرن كو ژ سه‌رجه‌مێ‌ 70ێ‌ مادا هه‌یا نها 50 ماده‌ بـ زورینه‌یا ده‌نگێن ئه‌ندامێن سه‌ركردایه‌تیا ئێكه‌تیێ‌ هاتینه‌ په‌سه‌ندكرن و ئه‌و 20 مادێن ماین دكومبونێن ڤێ‌ حه‌فتیێ‌ دا دێ‌ بـ دوماهى هێن.

ئه‌و یه‌كژى دادیاركرن, د ده‌مه‌ك وه‌سادا كو هێشتا په‌یره‌وێ‌ نافخویێ‌ ئێكه‌تیێ‌ 100% ێ‌ نه‌هاتیه‌ په‌سه‌ندكرن و ده‌سهه‌لاتێن هه‌ڤسه‌رۆك و سه‌رۆكێ‌ ئه‌نجومه‌نێ‌ بلندێ‌ ئێكه‌تیێ‌ نه‌هاتینه‌ دیاركرن نابیت بریاره‌كا گرنگا بڤى ره‌نگى بهێته‌ دان.

ئه‌ڤه‌ د ده‌مه‌كى دایه‌ چه‌ندین ساله‌ جه‌عفه‌ر شێخ مسته‌فا سه‌رپه‌رشتێ‌ یه‌كه‌یا 70ێ‌ یا هێزێن پێشمه‌رگه‌ى بوویه‌ , پشتى به‌ربژێركرنا وى بۆ پوستێ‌ جێگرێ‌ سه‌رۆكێ‌ هه‌رێمێ‌ و ده‌ست بكاربوونا وى وه‌ك جێگرێ‌ سه‌رۆكێ‌ هه‌رێمێ‌ پوستێ‌ وى بـ به‌تالى ما و لجهێ‌ وى (مسته‌فا چاو ره‌ش) وه‌ك سه‌رپه‌رشتێ‌ یه‌كه‌یا 70ێ‌ ده‌ستبكاربو.

د نهادا ئه‌گه‌ر بریارا كوسره‌ت ره‌سولى بهێته‌ جێبه‌جێكرن پێتڤى جه‌عفه‌ر شێخ مسته‌فا ده‌ست ژ پوستێ‌ جێگرێ‌ سه‌رۆكێ‌ هه‌رێمێ‌ به‌رده‌ت چونكى برێڤه‌برنا هه‌ردوو پوستان بـ ئێك كه‌س ناهێته‌ كرن.