دوو شه‌ممه‌ , 17 شوبات 2020
دەستپێك / كوردستان / فوئاد حسێن و به‌نگین رێكانى دێ‌ هێنه‌ لادان

فوئاد حسێن و به‌نگین رێكانى دێ‌ هێنه‌ لادان

لـ دوویڤ زانیاریێن گه‌هشتینه‌ “بادینان پرێس” ژ ژێده‌ره‌كێ‌ ئاگه‌هدار , پارتى دیموكراتى كوردستان دوو داخوازى ژ محه‌مه‌د ته‌وفیق عه‌لاوى كرینه‌ هه‌ردوو هاتینه‌ ره‌تكرن.

پشتى راسپاردنا “محه‌مه‌د ته‌وفیق عه‌لاوى” ژباڵ سه‌رۆك كومارێ‌ عیراقێ‌ ڤه‌ ژبۆ پێكئینانا كابینا تازه‌ یا حكومه‌تا عیراقێ‌ , پارتى داخواز ژێ‌ كریه‌ هه‌رئێك ژ (فوئاد حسێن و به‌نگین رێكانى) وه‌ك وه‌زیر د كابینا داهاتى دا بمینن , به‌لێ‌ لایه‌نێن شیعى و عه‌لاوى بـ پارتى راگه‌هاندیه‌ كو چ وه‌زیرێن كابینا بوورى د كابینا تازه‌دا ده‌ست بكار نابن بـ تایبه‌تى وه‌زیرێ‌ دارایی فوئاد حسێن كو لـ جاده‌یا عیراقێ‌ ناڤێ‌ وى دگه‌ل گه‌نده‌لى و بهه‌ده‌ردانا سامانێ‌ گشتى تێكهه‌ڵ بوویه‌.

پشتى ره‌تكرنا داخوازیا ئێكێ‌ , پارتى دیموكراتى كوردستان ژ عه‌لاوى خواستیه‌ وه‌زاره‌تا دارایی دگه‌ل وه‌زاره‌تا ده‌رڤه‌یا عیراقێ‌ وه‌ك پشكا پارتى بۆ ئالوگوریێ‌ پێبكه‌ت , به‌لێ‌ عه‌لاوى لسه‌ر ڤێ‌ داخوازیێژى رازى نه‌بوویه‌.

ژێده‌رێ‌ ئاگه‌هدار ئه‌و یه‌كژى ئاشكه‌را كریه‌ كو وه‌ك به‌رسڤه‌ك بۆ عه‌لاوى , پارتى بـ عه‌لاوى راگه‌هاندیه‌ ئه‌و درازى نینن لسه‌ر دروستكرنا حكومه‌ته‌كا ته‌كنوكرات و دانانا كه‌سێن بێ‌ لایه‌ن د كابینا داهاتى دا چونكى عه‌لاوى بخو بێ‌ لایه‌ن نه‌بوویه‌ تاكو كاره‌كێ‌ بڤى ره‌نگى بكه‌ت , و ئه‌گه‌ر پارتى ژ پشكا وێ‌ بێ‌ به‌ش بكه‌ت دێ‌ به‌رسڤا خو هه‌بیت.