دوو شه‌ممه‌ , 17 شوبات 2020
دەستپێك / كوردستان / پشتى حه‌فتیه‌كێ‌ پاراستنێ‌ به‌رپرسه‌كێ‌ خو بكوشتى داده‌ست ماڵباتا وى

پشتى حه‌فتیه‌كێ‌ پاراستنێ‌ به‌رپرسه‌كێ‌ خو بكوشتى داده‌ست ماڵباتا وى

تایبه‌ت_بادینان پرێس

به‌درخان زرارى خودانێ‌ كومپانیا “جه‌نگاوه‌ر” و كه‌سایه‌تیێ‌ دیارێ‌ پاراستنا پارتى , كارێ‌ ئینانا چه‌كى ژ ده‌رڤه‌ى وه‌ڵاتى دكر بـ ره‌نگه‌كێ‌ نهێنى و قاچاخ و نه‌یاسایی بۆ پاراستنا پارتى.

ره‌وان ئدریس بارزانى , داخواز لێكر هنده‌ك چه‌كى بۆ ویژى بینیت ژ ده‌رڤه‌ى وه‌ڵاتى و ئه‌گه‌ر ڤى كارى بۆ نه‌كه‌ت دێ‌ هێته‌ ژناڤبرن , دئه‌نجام دا به‌درخان زرارى بـ كوژمێ‌ 4 ملیون دولارا چه‌ندین پارچێن چه‌كى ژ وه‌ڵاتێ‌ “كینیا” بۆ ره‌وان بارزانى په‌یداكرن و لـ گومركا “ئبراهیم خه‌لیل” ره‌وان بارزانى بـ ته‌نسیق دگه‌ل هه‌ردوو لایا بۆ خو ده‌ربازكرن.

نه‌زهه‌ت حالى بڤێ‌ یه‌كێ‌ زانى و گه‌هانده‌ هه‌رئێك ژ مه‌سرور بارزانى و وه‌یسى بارزانى , ئێكسه‌ر هێزه‌كا دژه‌تیرۆرا پارتى بـ سه‌رپه‌رشتیا وه‌یسى بارزانى “به‌درخان زرارى” ده‌سته‌سه‌ر كر و موله‌تا كومپانیا وى یابناڤێ‌ “جه‌نگاوه‌ر” لێ‌ ڤه‌كێشا و كومپانى ژناڤبر.

پشتى حه‌فتیه‌كێ‌ ژ ده‌سته‌سه‌ر كرنێ‌ , پاراستنا پارتى به‌رییا دوو شه‌ڤا ته‌رمێ‌ زرارى بـ مه‌رج داده‌ست ماڵباتا وى , بـ به‌هانه‌یا وێ‌ یه‌كێ‌ كو خیانه‌ته‌ كا مه‌زن كریه‌ بوویه‌ هاتیه‌ كوشتن و مه‌رجێن پاراستنێژى ئه‌وه‌ كو نابیت به‌هى بۆ بهێته‌ دانان و بـ نهێنى ته‌رمێ‌ وى بهێته‌ ڤه‌شارتن و بـ خه‌لكى رابگه‌هینن كو به‌درخان یێ‌ چویه‌ ده‌رڤه‌ى وه‌ڵاتى.