دوو شه‌ممه‌ , 17 شوبات 2020
دەستپێك / كوردستان / دوو په‌رله‌مانتارێن بزاڤا گۆران دژى هه‌ڤال ئه‌بوبه‌كرى هاتنه‌ ده‌نگ

دوو په‌رله‌مانتارێن بزاڤا گۆران دژى هه‌ڤال ئه‌بوبه‌كرى هاتنه‌ ده‌نگ

هه‌رئێك ژ (غالب محه‌مه‌د) و (هوشیار عه‌بدوڵلا) په‌رله‌مانتارێن بزاڤا گۆران لـ په‌رله‌مانێ‌ عیراقێ‌ دژى گوتنێن (هه‌ڤال ئه‌بوبه‌كر) پارێزگه‌رێ‌ سلێمانیێ‌ هاتنه‌ ده‌نگ.

د دیداره‌كا رۆژنامه‌ڤانى دا پارێزگه‌رێ‌ سلێمانیێ‌ راگه‌هاند , هه‌رئێك ژ مه‌سرور بارزانى و نێچیرڤان بارزانى بـ چاڤه‌كێ‌ حه‌ژێكرن و دلسوز ته‌ماشه‌ى سلێمانیێ‌ دكه‌ن.

پشتى ڤان گوتنا هوشیار عه‌بدۆللا وه‌ك به‌رسڤه‌ك بۆ گوتنێن وى راگه‌هاند , لسه‌ر چ بنیات ئه‌ڤ گوتنه‌ دهێنه‌ گوتن , لسه‌ر بنیاتێ‌ خزمه‌تگوزاریا و پرۆژا سلێمانیێ‌ دوویڤ هه‌ولێرێ‌ و دهۆكێ‌ دا دهێت و لسه‌ر بنیاتێ‌ سیاسى به‌رده‌وام هه‌ردوویا دژایه‌تیا سلێمانیێ‌ كریه‌.

د هه‌مان ده‌م دا , غالب محه‌مه‌د په‌رله‌مانتارێ‌ بزاڤا گۆران دبه‌رسڤا خودا بۆ هه‌ڤال ئه‌بوبه‌كرى راگه‌هاند , جه‌نابێ‌ موته‌سه‌رف ئه‌رێ‌ بومه‌ دیارناكه‌ى ئه‌و چ كارێن گرنگ و مه‌زنن مه‌سرور بارزانى و نێچیرڤان بارزانى بۆ سلێمانیێ‌ ئه‌نجام داین ؟

ئه‌ڤه‌ د ده‌مه‌كى دایه‌ هه‌ڤال ئه‌بوبه‌كر لسه‌ر پشكا هه‌مان په‌رله‌مانتارا پارێزگه‌رێ‌ سلێمانیێ‌ یه‌ و دهه‌مان ده‌م دا بزاڤا گۆران بـ هه‌مى ره‌نگا پشته‌ڤانیا كابینا مه‌سرور بارزانى دكه‌ت.